Residentes
Existen varias modalidades de tarxeta de residentes:
TARXETAS DE RESIDENTES POR DOMICILIO:
ZONA ORA: Permiten sacar tícket coa tarifa de residentes (dobre de tempo na zona xeral, sector 1)
ZONA VERDE: Permiten estacionar na zona verde. Van adscritas a unha zona expresada en número:
- Z1-PONTEPEDRIÑA
- Z2-VITE
- Z3-SAN PEDRO
- Z4-ALMÁCIGA
- Z5-ULTREIA
- Z6-SAR
- Z7-SAN LOURENZO
- Z8-PELAMIOS
- Z9-SANTA MARTA
- Z10-FONTE DO OURO
- Z11-SAN ROQUE
- Z12-OTERO PEDRAIO
(ver cadro de zonas)
TARXETAS DE RESIDENTES POR TRABALLO OU DOMICILIO PROFESIONAL
Concédense para a zona onde estea situado o centro de traballo ou actividade profesional.
Funcionan de forma semellante que as de domicilio particular, pero só teñen vixencia en horario de 8 a 20:30 horas.
TARXETAS DE RESIDENTES POR MUNICIPIO
Permiten estacionar en calquera zona verde de 7:00 a 21:00 e ademais usar a tarifa de residentes en zona ORA.
REQUERIMENTOS PARA PODER OBTER UNHA TARXETA DE RESIDENTES
- O solicitante debe estar empadroado en Santiago, co vehículo domiciliado no seu mesmo domicilio e pagando o imposto de circulación en Santiago.
- No caso de que o vehículo sexa de renting ou leasing, o solicitante deberá achegar copia do contrato.
- No caso de vehículo de empresa, será válido sempre que a empresa emita unha declaración conforme se lle adxudica ese vehículo para o seu uso exclusivo dentro e fora do traballo.
PARA AS TARXETAS DE DOMICILIO, ADEMAIS:
- O solicitante deberá residir nunha zona integrada na zona azul ou a zona verde, no seu caso.
- Esta tarxeta é gratuíta e permitiralle aparcar nunha zona próxima ao seu domicilio as 24 horas do día, se é que se trata de zona verde.
- Se é para zona azul, permite sacar billete coa tarifa de residentes, que na zona xeral concede o dobre de tempo de estacionamento e exime ao usuario da obrigación de rotar. Nas zonas de curta e longa non se pode usar esta tarifa.
PARA AS TARXETAS DE TRABALLO:
- O solicitante deberá acreditar mediante presentación de certificado de empresa, que o domicilio de traballo está afectado pola zona azul e a zona verde.
- Esta tarxeta é gratuíta e permitiralle aparcar nunha zona próxima ao seu domicilio de traballo de 8 horas a 20:30 horas, se é que se trata de zona verde.
- Se é para zona azul, permite sacar billete coa tarifa de residentes, que na zona xeral concede o dobre de tempo de estacionamento e exime ao usuario da obrigación de rotar.
PARA AS TARXETAS DE MUNICIPIO:
- O solicitante non deberá acreditar un domicilio concreto. Bastará con que estea empadronado en Santiago de Compostela.
- Esta tarxeta custa 50€ por ano natural. 25€ se solicítase a partir do 1 de xullo, con validez neste caso para o segundo semestre do ano.
- Renóvanse todos os anos entre o 15 de xaneiro e o 15 de febreiro, pagando a taxa nas oficinas.
COMO SOLICITAR A SÚA TARXETA:
Presentando o modelo M037 de Solicitude de Tarxeta de Residentes no rexistro do Concello (rúa Salvador Allende nº4) achegando DNI e Permiso de Circulación do vehículo ou a través da sede electrónica do Concello de Santiago.
Solicitude de Tarxeta de Residentes
A SOLICITUDE NON DARÁ DEREITO AO USO DO TARXETA EN TANTO NON SEXA CONCEDIDA.
VIXENCIA DAS TARXETAS DE RESIDENTES
Se ben a ordenanza di que a vixencia é bianual, na práctica, a vixencia é indefinida en tanto o interesado siga cumprindo os requisitos que dan dereito a ela.
A estes efectos, a persoa usuaria debe comprometerse a comunicar ao Concello calquera variación de vehículo, domicilio ou calquera outra circunstancia relativa aos mesmos (cambio de domicilio, cambio de vehículo,...).
Compre ter en conta especialmente que o solicitante debe estar ao corrente no pago do Imposto de Vehículos de Tracción Mecánica, seguro obrigatorio, e de alta no padrón municipal.
O desfrute das tarxetas de municipio está condicionado ao pago da taxa anual, polo cal, a falta de pagamento da mesma no prazo xa indicado, implicará a baixa da tarxeta.
NÚMERO MÁXIMO DE DISTINTIVOS
En principio, concederase unha tarxeta por persoa e vehículo.
Unha mesma persoa usuaria poderá conseguir un segundo e aínda unha terceira tarxeta cando acredite que o condutor habitual do vehículo sexa cónxuxe ou descendente ata segundo grao do titular do mesmo, achegando libro de familia e contrato de seguro onde apareza incluído como asegurado.
En ningún caso un vehículo poderá ter dous distintivos de residente.
| ZONA | Lugares / Rúas |
|---|---|
| ZONA 1: PONTEPEDRIÑA | Portomarín, Canfranc, Samos, Somport, Sahagún, Palas de Rei, Ordes, Negreira, Padrón, Plaza León, Ulla, Vedra, Boqueixón, Brión, Ruela de Brión, Xoana Nogueira, Amor Ruibal |
| ZONA 2: VITE-GUADALUPE | Blanco Amor, Avda. de Castelao, Alexandre Bóveda, Carlos Maside, Xesús Carro, Ulpiano Villanueva, García Lorca, Travesa do Cendal, Irmandiños, Praza Celso Emilio Ferreiro, Rúa Celso Emilio Ferreiro, Barrio de Guadalupe, Arquitecto Domingo Andrade |
| ZONA 3: SAN PEDRO | Rúa San Pedro, Travesa San Pedro, Praza de San Pedro, Calzada San Pedro, Tafona, Ruela das Fontiñas, Rúa do Medio, Rúa da Angustia, Campo da Angustia, Ruela Caramoniña, Rúa Triacastela, Rúa Fonte dos Concheiros, Rúa Betanzos, Rúa do Home Santo, Rúa do Rosario, Bonaval, Concheiros, Cruz de San Pedro, Rúa dos Lagartos, Corredoira das Fraguas, Carricoba, Rúa Proxecto Vagalume, Rúa Altiboia, Costa do Veedor, Quiroga Palacios, Ponte la Reina, Batalla de Clavijo, Bispo Teodomiro, A Trisca, Calzada de S. Antón, Campo Sto. Antonio, Rúa Belvís, Praza Belvís, Rúa das Trompas, Campo do Forno, Rúa do Canteiro, Camiño da Ameixaga, Ruela das Chufas, Aller Ulloa, Escalinata do Cebreiro, Praza do Matadoiro, Costiña San Domingos, Tránsito Entrerrúas, Avda. Rguez Viguri (do 1 ao 43 e do 2 ao 8), Avda. Lugo (do 191 ao 275) |
| ZONA 4: ALMÁCIGA | Costanilla do Monte, Rúa de Teo, Travesa de Teo, Escultor Asorey, Travesa Escultor Asorey, Rúa de Enfesta, Arzúa, Rúa do Pino, Rúa do Tomiño, Rúa de Anxo Casal, Rúa de Touro, Pastoriza, Travesa de Pastoriza, Basquiños, Pza. Camilo Díaz Baliño, Trav. Dos Basquiños, Caramoniña, Tras Santa Clara, Escalinata do Aturuxo, Avda. Xoán XXIII |
| ZONA 5: ULTREIA | Rúa do Espiritu Santo, Praza de Ultreia, Rúa Santa Clara, Avda. de Coimbra, Avda. de Salamanca, Rúa Oviedo, Rúa Xazmíns, Avda. Xoán XXIII |
| ZONA 6: SAR | Rúa do Olvido, Ruela do Cancelón do Sar, Rúa da Ponte do Sar, Trav. Calzada do Sar, Calzada do Sar, Trav. da Ponte do Sar, Rúa do Sar, Cruceiro do Sar, Diego Bernal, Entrepexigos, Pexigo de Arriba, Pexigo de Abaixo, Rúa Picaños, Trva. Picaños, Castrón Douro, Patio de Madres, Rúa que une R/Clara Campoamor e R/Sar, Praza Marcial Villamor Varela, Ruela do Pisón |
| ZONA 7: SAN LORENZO | Cruceiro do Gaio, Campo do Cruceiro do Gaio, Trav. Cruceiro do Gaio, Poza de Bar, San Lourenzo, Carballeira de San Lourenzo, Trav. de San Lourenzo, Ruela do Gato, Corredoira dos Muiños, Lg. Os Muiños, Hortas, Campo das Hortas, Calzada Carme de Abaixo, Travesa Carme de Abaixo, Rúa Carme de Abaixo, Rúa Entregaleras, Rúa Galeras (do 2 a 32), Rúa Salvador Allende, Rúa das Oblatas |
| ZONA 8: PELAMIOS - VISTA ALEGRE | Pelamios, Parque Xosé Mosquera, Castiñeiros, Costa Nova de abaixo, Ricardo Carvalho Calero, Salvadas, Vista Alegre, Avda. Castelao nº 42, 44, 46, 48, 50, 52, 54, Praza Álvaro Cunqueiro, Bispo Diego Peláez, Boiro, Rianxo, Noia, Ribeira, Santa Comba, San Xoán |
| ZONA 9: SANTA MARTA | Blanco Nájera, Espiñeira, Manuel Caeiro, Sta. Marta de Arriba (Casas Diego Gelmirez: 25-27, 29, 31-33), Sta. Marta de Abaixo, Travesa Sta. Marta Abaixo, Campo de Sta. Marta, Antonio Rama, Escultor Xosé Eiroa, Juan Uria Riu, Varela de Montes, Escultor Ferreiro, Pico Sacro, Luís Vázquez de Parga, José Mª Lacarra, Eira da Palleira, Valentín Varela Iglesias, Doutor Maceira, Rúa San Ignacio de Loyola |
| ZONA 10: FONTE DO OURO | Fonte do Ouro, Trva. Fonte do Ouro |
| ZONA 11: SAN ROQUE | San Roque |
| ZONA 12: OTERO PEDRAIO | Otero Pedraio |
- Tarxeta de residentes por domicilio: de balde
- Tarxeta residentes por razón de municipio: 50€ anuais a pagar entre o (15 de xaneiro e o 15 de febreiro de cada ano)
- No caso de solicitar a tarxeta a partir do 1 de xullo, a taxa será de 25 euros para o ano en curso. Entre o 15 de xaneiro e o 15 de febreiro do ano seguinte deberán pagar a taxa normal de 50 euros para mantela.
- Duplicado de tarxeta: 5€ (por deterioro, perda, cambio de vehículo…)
