Con este aparcadoiro de borde búscase posibilitar o estacionamento dos turismos que acceden habitualmente ao centro dende a autoestrada e dende as estradas N-550 e AC-543, facilitando o acceso dos usuarios á cidade, ben a pé, ou utilizando as liñas de transporte urbano.
Esta situación, na entrada sur da cidade, un dos puntos de maior circulación, reverterá sen dúbida nun descenso da entrada vehículos e polo tanto nunha mellora da circulación no centro urbano.
AS LIÑAS DE TRANSPORTE URBANO COAS QUE SE PODEN SERVIR PARA ACCEDER AO CENTRO dende o aparcadoiro son as seguintes:
LIÑAS 1 e 2: con parada na avenida da Liberdade
CIRCULARES C2 e C4: con parada na rúa Feliciano Barrera Fernández
DATOS DA OBRA:
A obra realizouna a empresa Construcciones en Piedra Sigrás, SL por un importe de adxudicación de 153.001,47 €, máis o IVE.
Conta con 340 prazas, 7 delas para minusválidos, distribuídas nunha superficie de aproximadamente 9.000 m2.
O HORARIO DE FUNCIONAMENTO é o seguinte:
De luns a venres laborables, entre as 7.30 e as 22.30 horas
Sábados laborables, entre as 7.30 e as 14.30 horas
Unha vez posta en marcha a superficie estudaranse posibles modificacións nos horarios para adaptalos ás necesidades dos usuarios.
POLO QUE RESPECTA ÁS TARIFAS, trátase dun aparcadoiro de borde, polo que se abonará á entrada e o usuario poderá estar estacionado todo o día. A tarifa é de 1,50 € por acceso.
