A sociedade municipal TUSSA afronta este novo exercicio cun orzamento equilibrado entre ingresos e gastos de 1.941.796,05 €, un 25,84% superior ao presupostado para 2009.
Para este ano a Sociedade aposta de xeito decidido pola mellora global da mobilidade do concello, coa creación de novas áreas de estacionamento, control do sistema de transporte individualizado en bicicleta e unha política de avaliación e progresión continua na promoción do transporte público na cidade.
Destaca especialmente a posta en marcha do aparcadoiro de borde de Santa Marta, que é sen lugar a dúbida un dos proxectos máis ambiciosos de TUSSA desde a súa creación. Neste caso, TUSSA non só se vai encargar da xestión do aparcadoiro, senón que vai acometer a construción da superficie, o que vai supoñer un investimento total de 278.229,26 €.
