Segundo recollen as normas que regulan o sistema de préstamo de bicicleta pública (COMBICI), o 1 de outubro debería ter comezado o horario de inverno que reduce as horas de servizo entre as 09.00 e as 18.00 horas.
Debido ás numerosas peticións que se teñen recollido no servizo en relación á ampliación do horario, decidiuse alargar o horario de verán ata o 31 de outubro (entre as 8.00 e as 22.00 horas) e ampliar o de inverno, que comezará o 1 de novembro, entre as 8.00 e as 20.00 horas.
Tendo en conta que no horario de funcionamento do servizo hai horas de pouca luz, prégase aos usuarios extremen as medidas de seguridade: asegurándose que as luces funcionen correctamente, evitando na medida do posible zonas escuras e circulando con chaleco ou outros dispositivos reflectantes.
