Consulten os servizos de transporte para asistir ao partido do Río Natura Monbus o domingo 2 de febreiro ás 12:00 no multiusos Fontes do Sar.
Haberá un servizo lanzadeira desde a rúa de Ramón Piñeiro (lateral do Parlamento de Galicia) ata o multiusos Fontes do Sar a partir das 11:00.
A liña C11 (circular de Fontiñas) accede ao multiusos Fontes do Sar nas viaxes con paso aproximado por Xeneral Pardiñas ás 11:05 e 11:45. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza e rúa Virxe da Cerca.
Ao remate do partido manterase o servizo lanzadeira con destino a Ramón Piñeiro.
