O corte, que será efectivo por espazo dun mes, afectará soamente ao sentido de subida da rúa Fontes do Sar (desde a rotonda no cruce coa rúa do Vieiro ata a rotonda da rúa Londres). Quedará pois suprimida a parada do transporte urbano da rúa Fontes do Sar (dirección centro).
As liñas afectadas realizarán os seguintes desvíos:
* Liña 9 (soamente en dirección Casas Novas): despois das piscinas, desviarase pola Costa do Vieiro, rúa Dublín, rúa Londres (dirección rotonda EGAP), cambiará o sentido na rotonda, voltará pola rúa Londres realizando a parada nesa rúa e seguirá o seu itinerario habitual pola rúa Lisboa.
* Liña C5: despois das piscinas, desviarase pola Costa do Vieiro, rúa Dublín, rúa Londres e itinerario habitual pola rúa París cara Amio.
* Liña C11 (soamente os sábados, domingos e festivos nas viaxes de prolongación ao multiusos): volvendo do multiusos realizará o mesmo desvío que a liña C5 ata a súa terminal en Fontiñas.
Pregamos desculpen as molestias que estas alteracións lles podan ocasionar.
