Consulten os servizos de transporte para asistir ao partido do Blu:sens Monbus o domingo 12 de febreiro ás 12.30 horas no multiusos Fontes do Sar.
Haberá un servizo lanzadeira desde a rúa de Ramón Piñeiro (lateral do Parlamento de Galicia) ata o multiusos Fontes do Sar a partir das 11.30 h.
A liña C11 (circular de Fontiñas) accederá ao multiusos Fontes do Sar nas viaxes con paso aproximado por Xeneral Pardiñas ás 11.45 h e 12.15 h. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza, rúa Virxe da Cerca e rúa de San Pedro.
Ao remate do partido manterase o servizo lanzadeira con destino a Ramón Piñeiro.
