Consulten os servizos de transporte para asistir aos partidos do Blu:sens Monbus o venres 27 de maio ás 21.00 horas e o domingo 29 de maio ás 19.00 horas no multiusos Fontes do Sar.
Haberá un servizo lanzadeira desde a rúa de Ramón Piñeiro (lateral do Parlamento de Galicia) ata o multiusos Fontes do Sar a partir das 20.00 h o venres 27 de maio e a partir das 18.00 h o domingo día 29 de maio.
A liña C11 (circular de Fontiñas) accede ao multiusos Fontes do Sar cunha frecuencia de 15 minutos os días laborábeis e de 20 minutos os domingos pola tarde. As paradas máis céntricas para acceder a esta liña sitúanse na rúa Xeneral Pardiñas, praza de Galicia, rúa da Ensinanza, rúa Virxe da Cerca e rúa de San Pedro.
Ao remate do partido, tanto o venres coma o domingo, manteranse os dous servizos para a volta: servizo lanzadeira con destino a Ramón Piñeiro e maila liña C11.
