Das contas extráense os seguintes datos: un volume de ingresos de 1.685.763,41 euros; un volume de gastos de 1.576.452,58 euros e un resultado despois de impostos de 109.310,83 euros. En canto ao balance, en termos globais de activo e patrimonio neto e pasivo, obtívose unha cifra de 1.044.661,54 euros.
Respecto ás instalacións, cómpre destacar o aparcadoiro de Belvís, a dársena de autocares e o aparcadoiro de Xoán XXIII, cun comportamento excepcional debido, en gran parte, á incidencia do Ano Xacobeo.
En 2010, a empresa acometeu a posta en marcha de tres novos servizos: os aparcadoiros de borde de Santa Marta e Salgueiriños e a xestión do sistema de transporte individualizado de bicicletas, así como a mellora da maioría das súas instalacións.
Este resultado positivo permite afrontar as actividades da sociedade en 2011 sen ningún tipo de mingua na súa calidade.
