Consulten os servizos de transporte para asistir ao partido do Blu:sens Monbus o domingo 6 de febreiro ás 12.15 horas no multiusos Fontes do Sar.
A LIÑA C11 (circular de Fontiñas) accede ao multiusos Fontes do Sar cunha frecuencia de 30 minutos en domingo. As paradas máis céntricas para acceder a esta liña sitúanse na rúa Xeneral Pardiñas, praza de Galicia, rúa da Ensinanza, rúa Virxe da Cerca e rúa de San Pedro.
Ao remate do partido, haberá un servizo lanzadeira desde o multiusos con destino á rúa de Ramón Piñeiro (lateral do Parlamento de Galicia).
