Consulten os servizos de transporte para asistir ao concerto de Joaquín Sabina o vindeiro sábado 9 de outubro de 2010 no multiusos Fontes do Sar.
A LIÑA C11 (circular de Fontiñas) accede ao multiusos Fontes do Sar, cunha frecuencia en sábados de 15 minutos. As paradas máis céntricas para acceder a esta liña sitúanse na rúa Xeneral Pardiñas, praza de Galicia, rúa da Ensinanza, rúa Virxe da Cerca e rúa de San Pedro.
Ao finalizar o concerto haberá un SERVIZO LANZADEIRA de regreso, con destino á rúa de Ramón Piñeiro (lateral do Parlamento de Galicia, confluencia coa rúa do Hórreo).
