Horarios de verán para o sistema de préstamo de bicicleta COMBICI
A partir do xoves día 15 de abril e ata o 31 de outubro, o sistema de préstamo de bicicleta COMBICI funcionará co horario de verán, é dicir, entre as 8.00 e as 22.00 horas.
Esta época do ano, na que abonda o bo tempo, é propicia para que os que aínda non coñecen o servizo se inicien nos desprazamentos en bicicleta pola cidade.
Recordámoslle que para solicitar información sobre o servizo (a tramitación de altas, a consulta das estacións existentes, as normas do servizo, etc.) poden consultar a web www.combici.es. Tamén poden solicitar información a través do enderezo electrónico combici@tuimil.es ou no teléfono 981 58 75 89.
