O concelleiro de Mobilidade e Transportes, Carlos Nieves, e o xerente de TUSSA, José Ramón Mosquera, presentaron a nova campaña que leva por título TES MÁIS BUS.
Trátase dunha campaña dirixida a fixar a imaxe para todo o transporte urbano así como a promover o transporte público urbano.
Está especialmente dirixida ás persoas comprendidas entre os 30 e os 50 anos, que son os que dispoñen tanto de vehículo privado como da capacidade para usalo.
Búscase eliminar os prexuízos existentes aínda a día de hoxe sobre o uso do transporte público, ao asimilar este uso coas clases máis desfavorecidas.
Esta campaña desenvolverase en varias fases: ao lanzamento da campaña, durante un mes, seguiralle outra campaña nos medios de comunicación e a entrega de material promocional.
