As actividades centráronse no día 22 na praza Roxa, onde os máis pequenos puideron disfrutar dunha xincana, e probar as súas habilidades coa bicicleta, nun circuíto de obstáculos.
Para todos, contouse cun taller de enerxía, no que se amosou como a enerxía producida por bicicletas é suficiente para o acendido e funcionamento de distintos elementos eléctricos coa simple acción de pedalear.
Estiveron a disposición dos cidadáns as bicicletas do sistema de préstamo para que as puideran probar de balde. Foi tamén de balde, durante toda a xornada, o servizo de transporte urbano. Os datos de utilización do servizo durante este día faranse públicos na semana que ven.
Non faltou á cita o alcalde, Xosé A. Sánchez Bugallo, que se animou a subir á bicicleta e probar a súas habilidades cos obstáculos.
O atractivo da tarde foi a presenza dos profesionais da bicicleta: ÓSCAR PEREIRO, campión do Tour de Francia 2006; IVÁN RAÑA, campión do mundo de triatlón; e DAVID BLANCO, gañador tres veces da Volta a Portugal.
Ao final da tarde, celebrouse o sorteo de unha bicicleta e dez bonos mensuais do transporte urbano.
